爆家樂「加速」報喜 黃宗澤開跑要就住

家樂、Bosco及阿聰等主演的英皇新戲《紮職3》日前已低調開鏡，3位型男前晚冒着黃雨現身砵蘭街開工，令拍攝進度有所延誤。大雨期間，工作人員搬出膠笠遮掩器材，又開大傘為演員擋雨，情況有點狼孭，待完成街頭簡單的文戲後，大隊即移師商廈內繼續通宵拍攝。

剛宣布與女友連詩雅訂婚的家樂人逢喜事精神爽，獲兩位好兄弟連聲送上祝福。3人在《紮2》早已培養出默契及兄弟情，今次再結片緣自然得心應手，Bosco昨日受訪時打趣表示已「升呢」，不再是剛入行的街上小混混，並預告：「我哋冇上集咁騰雞喇！大家開始有啲歷練，驚險場面、打鬥、追逐戲梗係陸續有嚟啦！我都有啲擔心會受傷，已經同咗阿聰講，話我嘅膝頭啱啱好番啲，佢又跑開馬拉松，所以嚟緊嘅追逐戲要就一就我！」又搞笑爆家樂向他坦言「冇諗過咁快畀人踢爆求婚」﹕「點都好，我都恭喜佢啦！」阿聰亦表示有恭喜家樂：「大家係同組演員，當然有恭喜佢啦！不過之後就投入緊張嘅拍攝工作。」談及Bosco腳傷初愈，他表示拍動作戲若對手受過傷，會多加留意及照顧。

據知Bosco今次艷福無邊，被安排與周勵淇（Niki）一對，是3位男主角中唯一有愛情線。而剛返港的Niki同時要兼顧另一新戲《內幕》，經過早前產後長時間休息，復工即躍升「周二組」，相信要暫時「拋夫棄子」。至於家樂完成拍攝後，極有可能到內地進軍大中華市場，目前已有劇集劇本接洽中，為儲老婆本及事業更上一層樓，被迫與連詩雅「小別勝新婚」。