COLLAR恨「入宮」 Ivy自認顏值低

講到最期待的部分，Day力推Staycation環節：「最多笑料、大家玩得最放，因為（經理人）Wing唔喺度，我哋無王管！」不過Marf強調大家沒機會作反，因為早已在節目中簽下賣身契。除了綜藝，她們亦想挑戰拍劇，異口同聲表示想拍科幻作品或宮廷劇，Marf自薦做公公，WINKA被推舉為太后，Day則被指適合做宮女。

成軍初期，Gao指成員間的默契度只比合格高一點，不過現已截然不同：「我哋嘅默契可以話係99.9999，節目有好特別嘅影響，大家一齊玩，加上呢半年成日對住，彼此了解多咗好多。（有冇難頂嘅時候？）唔算好多，有摩擦都係關於表演上，大家會討論，都係為件事好，有唔同意見就投票決定。」節目中，Wing指Ivy入團最具爭議，因有人質疑其外貌及實力，Ivy大方回應：「好多人擔心我唔開心，其實冇，我已經入咗團，覺得已經屬於一分子，唔會覺得係第8個先入或討論好耐而唔開心。我都認同我係唔靚，唱歌跳舞唔係好好。」