貝依霖羨慕有私伙攝影師樂宜出網上寫真畀粉絲揸Fit

兩大性感女神樂宜及貝依霖輪流推出新興的網上寫真，樂宜更將寫真主題交由粉絲發辦，而貝依霖羨慕樂宜有男友做私伙攝影師。

「DJ女神」樂宜擁有34C魔鬼身材，經常在社交網晒性感相派「軍糧」，深受網民追捧。前晚她與另一性感女神貝依霖出席網上藝術展覽，預告會推出網上寫真：「依家籌備緊，7月就開始影相，我諗住搞網上投票，等粉絲選出啱心水嘅寫真主題。」而貝依霖剛完成寫真拍攝，她說：「影咗幾千張相，要從中揀300張出嚟都幾有難度。」她們異口同聲表示未有計劃出實體寫真集，順應潮流主攻新興市場。

樂宜拍攝寫真前總會問准男友，也會跟男友溝通，她坦言平時在社交網上載的泳衣相都是由對方操刀，她笑說：「佢會揀啲冇咁誇張嘅。」貝依霖對樂宜有個攝影技術精湛的男友大表羨慕：「通常男仔影相都係唔靚。（你男友影得好渣？）我暫時冇男友，但以前啲男友都影得唔靚，我需要個人肉腳架！」快將踏入30歲的樂宜透露有創業計劃，想搞美容扮靚生意。

陳柏宇囡囡獲邀拍廣告

同場另一邊的展覽區有歌手陳柏宇及師妹黃妍擔任表演嘉賓，柏宇太太符曉薇帶同囡囡Abigail撐場。囡囡曝光率不少，但柏宇沒刻意要女兒成為網紅：「有人邀請我哋一家拍廣告，Abi都習慣面對鏡頭，但如果做嘢，我第一個心態係會預佢交唔到貨，小朋友唔會好似我哋大人做嘢咁，佢覺得玩夠就完。」