前緋聞男友撐20周年騷關心妍帶挈蕭正楠重踏紅館

一連兩場《關心妍Jade Kwan 約 20周年演唱會》前晚在紅館開鑼，當她20年前的緋聞男友蕭正楠驚喜現身，即時全場哄動！2人已10多年未有同台演出，合唱《特別鳴謝》後便在台上話當年，蕭正楠嘩嘩聲說：「好多年冇唱呢首歌，好多朋友都喺K房唱到『炒車』！諗番當年拍MV，發現佢咁多年都冇變過，畀多啲掌聲Jade，多謝邀請，畀我有機會再喺紅館體驗。」Jade笑言看見他即感覺青春晒：「好多Fans叫我搵番原唱出嚟，大家開唔開心呀？」

愛女圓夢打觔斗

此外，Jade又與愛女合唱，並圓囡囡心願，讓她在紅館舞台打觔斗，但不忘肉緊說：「你唔使拉吓筋先？得唔得㗎？」期間談及亡父時，Jade坦言：「舊時我好嬲佢，點解要走咗去，後來我放低咗去見番佢，但好快佢就離開咗，我唔知佢有冇睇過我嘅演唱會，因為我冇邀請過佢，但今晚我想送呢首歌畀佢聽。」

Jade在演唱會上盡騷音樂才華，彈鋼琴兼吹色士風，歌衫亦不乏低胸、高衩等款式，還有數米高的舊長裙，而每條裙價值6位數！尾聲演唱《關心...心妍》時，她忍不住落淚，歌迷即高呼：「唔好喊呀！」