栢天男劉心悠雞同鴨講打造甜蜜「假象」

型男栢天男（Adam）在ViuTV新劇《冥冥之中》有不少騷肌機會，既有沖涼戲，又有床戲，但他賣關子不願透露太多，不過就表示沖涼戲的裸露部位至肚臍對下位置，挑戰電視尺度，自言豁出去：「阿媽見到唔知點諗！」拍攝前數個月，他每日都做100下掌上壓操出強勁胸肌，後來發現西裝愈來愈不合身：「服裝話我上身愈來愈大隻，着西裝唔好睇，又要減操。」

郭羨妮母女檔拍劇

為演好爸爸角色，公司特別安排一個有20歲兒子的爸爸跟他傾偈交流，後來發現對方竟然與他同年同月出世！劇中Adam與劉心悠結婚生仔，視為一次幸福經歷，鏡頭前2人拖手仔，甜蜜又溫馨，鏡頭後卻是雞同鴨講：「我有中文唔明問佢，佢用普通話同我講，我普通話又差，聽唔明。我自己有本筆記，記低同對手嘅劇情，全英語兼畫公仔，得我自己睇得明！」

另外，只得10歲的演員朱家愛劇中飾演自閉症兒童，網民讚她靚女又可愛，有做明日之星的潛質，原來她是女主角郭羨妮的愛女！據知拍攝前郭羨妮會與女兒排練，令女兒更加投入角色，果然是廿四孝媽咪！