MC隨時公開戀情 湯洛雯好事近 做婚禮揸弗人

湯洛雯與張天賦（MC）在會展出席婚嫁活動，靚湯在台上與司儀崔建邦傾偈時笑言好事近。受訪時講到身材澎湃，她笑說：「咁啱呢條裙視覺上有少少澎湃啫！條裙其實唔係咁誇張，台慶着嗰啲咪仲犀利！」又指打扮不用男友先過目。問到是否快將與馬國明結婚？她說：「唔係，但因為疫情減退，可以好好考慮。今日結婚展開心嘛，所以先咁樣講，大家有共識嘅，可以好好諗吓！」

入行初期盼望童話式婚禮的她，現時卻希望一切從簡：「每年做大騷要着住晚裝10幾個鐘好辛苦，所以結婚想輕鬆啲。」提到她指男友馬國明希望以牛仔褲T恤行禮，她即表示自己才是「揸弗人」，若男友堅持也會遷就：「如果佢真係咁諗都逼唔到佢，惟有襯番佢，自己都着T恤牛仔褲。」她近期睇中醫針灸調理身體，但否認是為造人做準備，因過去減肥過激而有胃炎，現時要好好養生。

至於MC現場演唱《記憶棉》，而歌曲MV女主角、《全民造星III》出身的張凱娸（KiKi）近日出現疑有性愛片流出，他受訪時直言雙方沒有聯絡。提到合作過的MV女主角先後出事，可擔心會連累近期拍廣告的李元元（Lucy）？他笑說：「唔識點回應，人哋嘅私人事唔方便討論，同Lucy拍廣告就相當開心。」問他可有帶Lucy行超級市場？他即賣關子：「大家記得要睇片！」問到對婚禮有何憧憬？MC希望簡簡單單，最緊要不要太熱，而緋聞多多的他強調現時單身，假如有新戀情又發展穩定，會公開戀情。