黃智雯失落劇后照興奮

藝人黃智雯憑《超自然之戀》在《第30屆香港舞台劇獎》首度提名「最佳女主角（喜劇/鬧劇）」，頒獎禮前晚舉行，可惜她最終空手而回。剛拍畢劇集《隱娘》的她，趕及由內地返港出席頒獎禮，她說：「今次係我第一次提名舞台劇女主角，心情好興奮，覺得好榮幸。」又表示得獎與否沒有壓力：「心情係享受個騷，就算睇人攞獎都開心。（冇爭視后咁緊張？）心情唔同，我喺舞台劇方面好新，而提名嘅對手都係出色演員，所以我係又驚又喜！」