鬧爆網民造謠 Billie男友傳偷食 1年情玩完

現年20歲的Billie與30歲的Matthew今年4月被拍到外出買咖啡的親熱照片，令戀情曝光。當時男方名不經傳，於社交網站自稱是「演員、作家與爛人」。近日他們被傳分手，更指男方貫徹自己形容，出軌偷食。

Matthew前日於社交網站限時動態承認分手傳聞，但否認偷食：「冇任何一方偷食，關係有時會完結，就係咁簡單，製造謠言同埋喺互聯網上講大話係好危險。成千上萬嘅人花時間去寫一啲佢哋呢世都唔會接觸嘅人嘅可怕傳聞，係最懦夫嘅行為，理好自己先啦。」Billie則未回應分手一事。

當日Matthew與Billie戀情曝光後，男方被網民起底，發現他曾發表歧視黑人、亞洲人及同性戀者的言論，又形容英國天后Adele是「英國豬小姐」，惹來大量網民批評。去年6月他發道歉聲明：「我想為以前喺社交網站寫過嘅嘢道歉。我所用嘅語言係傷害性同不負責任……無論係歌詞、引述定純粹係我愚蠢，都唔係重點，我對自己喺任何背景使用呢啲字眼感到羞愧同深表遺憾。呢個唔係我細個學習嘅嘢，亦都唔係我支持嘅嘢。我從一開始就唔應該用呢啲語言，以後亦唔會再用。我為自己帶嚟嘅傷害講聲好對唔住。我會負全責，繼續為自己行為負責。」Matthew有這些黑歷史，加上現在捲入偷食疑雲，被網民形容如Billie名曲《Bad Guy》所說的壞人！