晒命未受過情傷陳凱琳同舊愛做朋友嘉穎冇詐型

藝人陳凱琳（Grace）日前為其監製兼主持的明珠台節目《Love Matters》進行錄影，請來藝員胡㻗及魏韵芝擔任嘉賓。Grace透露是次話題圍繞「新的愛情」，她坦言戀愛經驗不多，幸感情路上從未受過傷害：「分手都係因為唔夾，冇試過因為第三者分手。同前度都會做到朋友，但唔會成日搵，我都要尊重另一半。」她指老公鄭嘉穎也知情，亦不介意她跟舊愛做朋友。

Grace表示拍畢該節目後，緊接會主持另一個新節目：「我同老公講，唔會對收視抱好大期望，當係累積經驗。（會唔會做新節目監製？）唔會喇！因為個節目幾大規模，要花好多時間去籌備。（你依家進軍主持界？）公司知我難抽時間拍劇，做主持時間彈性啲。」

魏韵芝爆前度偷食

另外，魏韵芝自言所有前度都是好人，大家再見亦是朋友，只有一個例外，因當時對方有第三者而導致分手。至於胡㻗則自爆僅拍過一次拖，並由他主動提出分手：「我哋拍咗拖5年，當年我好細個，冇乜經驗，想去識多啲唔同嘅人，於是好坦白咁同個女仔講。」