疑被收音師非禮 麥皓兒哭訴：佢掂到我條內褲

她受訪時深感委屈一度爆喊：「佢（收音師）係外判員工，一開始已翻開我件衫，想喺『雞心位』黐咪，當時我已驚到用手護胸，因為要打燈，我冇得行開避。」可是接着情況更是變本加厲：「個咪冇電，充完電佢竟然扯開我條裙想攝落去。我喺社交平台唔想寫太多，其實已經掂到我條打底褲、甚至內褲，仲要左右移動咁搵位黐，佢嘅舉止令我覺得驚訝及不安。」

皓兒坦言加入無綫這麼多年，遇上的台前幕後很有愛，收音師會找來女工作人員協助，故對於事件中的收音師行為難以容忍：「佢真係完全違反專業操守，影衰晒業界。（追究？）已同監製講，佢哋會處理嘞。」

問到男友丘梓謙有何反應？皓兒謂：「佢話即使佢係男生，都未試過咁嘅情形，斥責今次行為相當過分。」而同劇演員丁子朗則謂剛開工，對事件不太清楚。至於無綫企業傳訊部回覆傳媒查詢表示：「本台嚴肅跟進有關事件，已作跨部門溝通，並與相關藝員及幕後工作人員理解情況。」