「唔係有意整傷佢」 方力申出錢出力 保胡美貽靚樣

藝人方力申（小方）、陳明憙及米雪昨日拍攝港台微電影《出發2022》，米雪透露與羅家英飾演夫妻，小方經常變魔術氹他們開心。記者問小方是否經常變魔術追女仔？他說：「梗係唔係，追女仔係要真心。（情路上你好失敗？）梗係失敗，依家努力工作，女仔欣賞男仔有事業同有錢。」

談到舊愛鄧麗欣日前於張敬軒個唱表示當年「揀錯人」，小方表示：「尋日先見完佢，有朋友生日，佢同我講『你明嘅』，暗示做嘢先咁講。（追番佢？）唔回應喇。」又指林盛斌經常想介紹異性給他認識：「成日send啲三點式女仔相畀我，我怕醜冇正式約會過，佢可以繼續努力，（三點式）只係佢喜歡啫。」

早前他拍攝節目時意外令胡美貽受傷，他表示：「我只可以話係意外，當時拍緊遊戲節目，輸咗懲罰會有道具，我係攞緊啲道具繼續玩，但唔係有意整傷佢。出事後我即刻介紹整容醫生、親自陪佢去醫院做手術，直至依家覆診，所有費用都係我出住先，樂小姐（樂易玲）話claim到保險會幫我分擔。我都有同胡美貽保持聯絡，知道佢傷口已經好淺色。」

另外，胡美貽突然改變形象，於社交網上載超短髮的自拍照，網民紛紛留言支持︰「帥哥你好」、「新髮型，好型仔」等，亦有人指她與蔡思貝撞樣。