鏡仔輪流獻唱 尾場超時罰20萬 王菀之來世約定 張敬軒淚灑紅館

張敬軒的《THE NEXT 20演唱會》終圓滿結束，之前晚晚唱到超時，前晚作最後一擊，唱足4個半鐘至凌晨1時10分散場，5度encore創下其紅館騷的超時新紀錄，歌迷大飽耳福背後，原來軒仔一晚卻已「燒」20萬，被紅館罰款。

個唱時間長，完全滿足到追星族，台下有MIRROR人氣成員Edan及ERROR成員193、陳山聰、泳兒等捧場，台上則有MIRROR另外兩位成員Ian及Jer輪流登場，軒仔更自爆為了給Ian唱《騷靈情歌》而改rundown，當Ian送上古董模型車時，承諾買到dream car就載他遊車河，軒仔即冧爆說：「阿叔我心都融晒呀，陰功！」又帶領全場歌迷向6月壽星仔Ian唱生日歌。至於凌晨才趕到現場的Jer，送上軒仔的《酷愛》CD作賀禮，軒仔看見舊封面照時，笑說：「每個人都有不堪回首嘅過去！」

而全晚最令人動容的，莫過於王菀之（Ivana）的現身！她被軒仔形容為曾出生入死的「靈魂交雜朋友」，軒仔下跪迎接對方，合唱完更來個「愛的抱抱」，當對方讀出親筆信，講到數年前軒仔曾問她：「如下世未能相遇點算？」軒仔聽到這裏時已掩面爆喊，她亦哽咽續說：「怕你唔記得，我話要搵番你。」至個唱尾聲時，軒仔數度下跪衷心多謝歌迷愛戴。

完騷後軒仔在後台受訪，談及個唱超時費總數逾百萬時，他感激英皇無限支持，不過又笑言對老闆來說只是「濕濕碎」。他亦決定回饋社會，承諾成立基金幫助舞者追夢：「初步諗會用7位數字，會搞慈善籌款，或者叫老闆幫吓手，個基金一定唔會用我個名掛帥。」至於視他為偶像的「聲夢幫」冼靖峰未獲邀任嘉賓，軒仔覺得粉絲是想偶像有更多機會，又指冼靖峰曾短訊他，望他勿受網民熱話而影響，軒仔說：「我叫佢加油，可能將來有機會。」