勁敵離巢傾續約暢順 AGA一姐唔敢當：想還騷畀歌迷

歌手AGA與同公司的Gin Lee經常被指鬥餐死，對於Gin Lee將約滿後離開環球，AGA大表震驚，但說到被指坐正做「環球一姐」，即謙稱自己每年都是新人，仍需努力學習。曾3度取消演唱會的她更坦言，現時最想還歌迷一個紅館騷！

歌手AGA（江海迦）、吳若希、黎諾懿、施匡翹等前晚於無綫將軍澳電視城為《萬眾同心公益金》演出，早前有傳AGA會離開所屬唱片公司環球，但近日公司卻公布Gin Lee（李幸倪）約滿後會離巢，問到AGA會否覺得成了「環球一姐」時，她謙稱自己每年都是新人，並表示：「依家有好多計劃，需要好多時間去進步，好希望自己嘅創作可以對樂壇有貢獻。（傳離開環球係咪有去意？）其實係差唔多約滿，一直洽談緊，進度良好，嗰啲謠言嚟嘅。」

問到有否考慮到其他公司發展，AGA稱只考慮過要放假回澳洲探望家人，續說：「呢間公司發掘我出嚟，一直合作緊。（其他公司招手？）合約方面不嬲係監製舒文處理，依家我除咗想做新碟，亦好想還番個騷畀歌迷。」她表示雖然演唱會前後已取消了3次，但她絕不氣餒，必會辦一個精彩騷回饋歌迷。對於Gin Lee與陳慧嫻離開環球一事，AGA坦言非常震撼，指入行後慧嫻一直給予她很大的幫助與支持，希望將來能再有機會合作。

吳若希着校服誘老公罰

至於剛踏入30歲生日的吳若希，今年大搞校服派對，她說：「好開心成班朋友搞Party同我慶祝，因為賣校服嘅舖頭收晒，我就去啲女性內衣店，但啲裙實在太性感，最後喺屋企搵咗條格仔裙扮校服。（着校服冇違和感？）好襯呀，老公扮阿Sir。（阿Sir有冇罰你？）佢夜晚好想懲罰我，哈哈。」