吳業坤考空手道升呢

藝人吳業坤早前攜同新婚日籍太太返港，並已順利完成隔離生活。一直「坐唔定」的他昨日更參加空手道考試，宣布終奪得綠帶資格。他於社交平台上載相關照片，留言謙稱其實自己「唔合格」﹕「剛剛入門兩年，踏入空手道人生另一階段，不過因為疫情同唔喺香港，練習時間唔係太多，希望可以盡快追趕，盡得師傅真傳。」未知是否太太同行幫手拍照，照片中由「黃變綠（帶）」的吳業坤相當英氣，不過他卻自嘲「肥咗」，而這種幸福肥惹來不少網民羨慕，另類放閃可謂相當成功。