李幸倪家人分隔3地：隔Mon團聚眼濕濕

歌手李幸倪（Gin Lee）早前接受TVB娛樂新聞台節目《Star Talk》訪問，談到受疫情影響，她已3年沒有回家鄉馬來西亞跟家人見面：「疫情下過咗3個好唔同嘅新年，以前每逢過年一定請假返去馬來西亞或者帶屋企人旅行，已經變成我哋屋企嘅傳統，但呢3年嘅團年飯都係隔住個螢幕食，我同家姐、媽咪喺3個唔同地方，我哋開住3個鏡頭，問吓佢哋食啲咩，我又影吓自己食咩，真係食到眼濕濕，但我忍住唔想喊，覺得大家健康、安好已經好感恩，所以呢幾年真係過得好難忘。」難怪她早前宣布將離巢環球唱片，之後會返家鄉探望家人。