劉心悠首合作喊住開工 郭羨妮披甲搶收視 瞞老公拍床戲

昨日劉心悠、郭羨妮、栢天男、潘燦良、蘇志威和吳啟洋等出席記者會，為下周一首播的新劇《冥冥之中》落力宣傳，悉心打扮晒美腿的心悠，劇中飾演郭羨妮的新抱，2人首度合作拍劇已相常有默契。

郭羨妮表示看過心悠主演的《宮心計2深宮計》，覺得合作有新鮮感；心悠自爆開工第一日即與郭羨妮做戲，心情緊張：「因為角色有好多複雜情緒，對住佢不停流眼淚，所以好緊張，好驚甩對白。」郭羨妮笑說：「流眼淚唔係因為對住我。」

心悠提到難忘人生第一次拍開真槍戲，因要做到開槍不眨眼，連拍2、3次才收貨，笑言難過拍床戲。郭羨妮則「劇透」與潘燦良有床上親熱戲，但尺度有限，事前沒有向老公備案：「我同潘燦良戲裏面感情好深、好愛，真係要做出嚟睇。」

對於無綫急推劇集《十八年後的終極告白2.0》對撼，心悠說：「可以刺激市場，觀眾有多啲選擇係好事。（平行時空戲燒腦？）如果我係觀眾，我會想追看。」郭羨妮則認為演員無法決定劇集何時播映，接到角色會盡力演，相信大家會愈做愈好。

至於蘇志威自言並非首次「打仗」，原來1999年他有份演出的《刑事偵緝檔案》，曾作調動硬撼亞視劇集《縱橫四海》。而他對上一次拍劇是17年前的無綫劇《心花放》，今次重出江湖，全因被導演一句話「真係得你做到」打動。不過記者會期間，藝人袁綺雯自爆唔識他，以為是一位普通叔叔，蘇志威笑說：「我個女都23歲，我嘅年紀係叔叔，但樣貌、身形係年輕人，我都身手敏捷，劇入面有好多打鬥場面。」