梁榮忠身兼4職 拍劇冇錢收

久未有幕前演出的藝人梁榮忠，於港台劇集《獅子山下2022：得閒飲茶》自編自導自演兼任監製。昨日他開工時表示雖然身兼4職，但一份人工也沒有：「因為放晒喺製作上。（即係義工？）冇諗錢嘅，今次意義重要過收益，可以話係追求理想。（辛苦？）一定有，但換番嚟係開心，所以好享受。」談到舊愛鍾麗淇早前表示與他再見亦是朋友，梁榮忠未有否認，但不欲多談：「佢有家庭，牽涉人哋嘅嘢就唔講啦，我就冇家庭啫。（咁你有冇另一半？）如果依家係40歲前都會好雀躍講，50歲以上嘅生活模式都定咗，唔需要急，都嗰邊近啦！反而係睇吓眼前有乜想做。」