新加坡轉機 姜濤重獲自由生猛晒！

MIRROR成員姜濤前日出發往美國工作，途經新加坡轉機。他抵達新加坡後在社交網上載短片，見他表現得相當雀躍，助手問他：「姜濤依家咩感覺？」他語帶興奮：「終於可以自由行街喇，巧Kai鮮（好開心）！」更在機場手舞足蹈及跳起大叫：「Yeah！」十足大細路。他在香港每次現身均群情洶湧，如今在新加坡機場沒被人認出，重獲自由的他突然戲精上身，幻想被大批粉絲包圍，更抵死模仿花姐說話：「唔好影、唔好影！唔好逼、唔好逼！」似乎人在異地，心情特別輕鬆。