洪永城曬到爆紅 被嘲「靚仔咗」

藝人洪永城近期忙於拍攝新節目《香港25個第一》，他將自拍短片放上社交網，並留言：「最新面罩，應該認唔到我，冇搽太陽油嘅後果。」片中的他左擰右擰，額頭及兩邊面頰都被太陽曬到紅卜卜如燒豬一樣，不過最搞笑的是口罩位置依舊青靚白淨，似足戴上紅色面罩一樣。雖然見到都覺得痛，但好友黃翠如及林溥來就留言笑他「靚仔咗」，網民就笑他似蝙蝠俠，亦有網民好心提醒他要搽蘆薈及做保濕滋潤一下。