Twins澄清冇申請開紅館騷

出道21周年的組合Twins，一直流傳今年會在紅館舉行演唱會，蔡卓妍（阿Sa）與鍾欣潼（阿嬌）趁錄影內地節目《乘風破浪》空檔，開直播回應：「今年一定趕唔切，因為根本冇申請，紅館演唱會檔期好難拎！」阿嬌又興奮自爆做了第2次矯視手術：「估唔到人生做第2次眼睛手術，都仲睇到嘢！」此外，阿嬌在戀愛真人騷《90婚介所》重提失婚經歷，自言不介意另一半結過婚：「要看他是怎麼離婚的。」