張沛樂赴泰晒水着 最驚發福！

33E性感女神張沛樂（沙律）昨日出發往泰國，為香港開電視旅遊節目《重新出發》取景，穿上背心熱褲的她表現興奮，透露已2年沒出埠，故對今次機會非常感恩。她預計在當地逗留19日，期間會到曼谷及芭堤雅拍攝：「執咗兩箱行李，9至10套泳裝，行程好緊密，有水上活動，仲會介紹靚酒店，之前睇到相，個心已經飛咗過去！（疫情下有冇特別準備？）最基本嘅口罩、消毒用品都有，同埋為咗增強抵抗力，又驚水土不服，都有帶埋補充品去。最擔心係今次主要吃喝玩樂，食完仲要着泳衣，要靠補充品令我唔好肥！」單身的她被問是否想有艷遇？她笑說：「獨自去偷歡？諗住自己去玩咋！（單身容易吸引異性。）我好怕熱，唔得啦！」