Jer Frankie輪住分手 Edan安慰隊友 拍劇好過拍拖

Frankie與舞蹈員女友Hei拍拖13年，昨於社交網交代分手，他留言：「慶幸沿途有你，愛有很多方式，換個角色相處，繼續延續下去……感恩遇見 感恩有你。」為免惹來揣測，兩人均表示分手不涉及第三者。而Frankie兩位好兄弟Edan（呂爵安）與Jer（柳應廷），昨偕同毛舜筠、余香凝、陳漢娜等出席新戲開鏡，談到先後有成員情變，2人表示：「佢同佢嘅前女友都話想有啲私人空間，我哋冇理由幫佢回應。（近排Frankie心情點？）好少有一齊嘅工作，遲啲見到佢都會慰問。」Jer早前亦與女友分手，當被問到感情現況，他即笑說：「唔回應，專心工作。」在旁的Edan即解圍：「拍劇啦，拍乜鬼嘢拖？」

Edan劇中角色愛杯中物，他自爆：「演醉酒戲時，我都會飲大杯威士忌幫助入戲，但可能基因關係，我爸爸好飲得，所以飲完都好似冇乜用。」又爆見過Jer飲醉：「瞓到好似死咗咁。」

余香凝拋下約一歲囡囡復工，被拍檔黃又南踢爆：「佢第一日開工，已經話好對個女唔住。」搞到她尷尬說：「試過大夜班，凌晨一點幾先返到屋企，我個女竟然仲喺度等我。」毛舜筠則表示煞科後將投入「放暑假」：「兩個女會返嚟，想花多啲時間陪吓佢哋，希望到時佢哋唔使隔離，事關我個大女得一個月假，如果可以嘅話仲想同佢哋去日本旅行。」