蔣家旻潛意識恨嫁 李佳芯唔願發綺夢 講明要實戰！

李佳芯（Ali）與黃庭鋒擔任主持的無綫節目《夢中．情．人》近日在牛頭角進行拍攝，請來蔣家旻做嘉賓分享夢境，並由專家解夢。Ali認為夢境與潛意識有關，試過有不安情緒就夢見自己跌落深淵，問到可有發綺夢？她笑說：「真係冇，亦唔羨慕，我要真實，唔係流於發夢！」

近期工作多多的Ali剛完成節目《仨心友行3》，緊接就拍攝《夢中．情．人》，似乎獲公司「盡用」？她表示：「演員一向好被動，自己當然歡迎多啲工作，但係最緊要同生活、作息取得平衡。依家OK呀，可以保持到生活節奏。」而庭鋒在《愛美麗狂想曲》與Ali飾演母子，今次則拍檔做主持，希望下次可以圓夢，拍劇演情侶。

至於蔣家旻小時候經常發夢與偶像見面，近期則發起結婚夢，問到是否日有所思？她笑說：「潛意識可能係，相信每個女仔都希望，但我嘅表意識就唔係好心急，依家一個人實在太舒服，慢慢嚟，隨緣啦！」