霆鋒難得捧場馮允謙自製門票孝敬軒仔

張敬軒前晚假紅館舉行第6場《THE NEXT 20演唱會》，同公司的謝霆鋒激罕現身VIP席捧場，當將於7月假九展舉行4場個唱的馮允謙（Jay）以嘉賓身份踏上舞台時，即引來全場起哄。由於Jay在外國長大不識中文，故大會的提詞機打出一連串只有Jay才能解讀的拼音字。

收「紙製品」百無禁忌

軒仔大讚Jay的嗓子是他在香港樂壇中最喜愛的聲音，且為人謙厚又夠義氣：「人生當中曾經要人急救，無論監製、錄音，佢都二話不說即刻趕到，兩脇插刀，是個難得嘅好朋友。」被大笠高帽的Jay就回贈自製的「演唱會通行證」：「我啲飛未印出嚟，所以我自己做咗張。」軒仔即搞笑說：「依家啲後輩，點解咁鍾意整啲紙製品畀長輩？仲要係7月！哈哈，算啦，佢係『鬼仔』，佢唔識呢啲嘢，好多謝你，你演唱會我一定會嚟！」

開放座位滿足粉絲

軒仔雖然再破紀錄共「安歌」了5次，但歌迷仍然不捨得離場，而大會有見歌迷如此熱情，加上防疫措施於今日開始進一步放寬，經努力向紅館商議及爭取下，5月19日再一次可以把限量最後8場門券公開發售。