踩Roller開工驚到喊劉心悠孭飛「劇」鬥：多選擇係好事

ViuTV月底推出劉心悠主演的新劇《冥冥之中》，有傳無綫迅速變陣，以《十八年後的終極告白2.0》應戰，加上香港開電視派出「僱傭兵」林峯主演的外購劇《黑金風暴》加入戰團，甚有電視大戰再起的味道！

藝人馬浚偉、劉心悠、施匡翹等，昨日在馬鞍山拍攝港台電視電影《獅子山下2022：我們的開學禮》，心悠主演的ViuTV劇集《冥冥之中》將於本月底播出，有傳無綫即時變陣，推出《十八年後的終極告白2.0》對撼，加上近2年沒播本地劇的香港開電視也加入戰團，購入林峯、周秀娜主演的劇集《黑金風暴》於6月中出街，令電視劇圈突然熱鬧起來，甚有開戰味道！網民指《黑》劇有林峯無綫作品《雷霆掃毒》的影子，令戰況更加錯綜複雜。對於多套新劇對撼，心悠說：「我好期待《冥》出街，多啲選擇對觀眾係好事。」又慶幸《我們的開學禮》安排在周末播出，避免自己打自己。

馬浚偉做人肉軟墊

心悠昨日與馬浚偉踩Roller亮相，雖然馬浚偉扶到實，她仍相當害怕，更驚到不停流眼淚兼抖大氣。馬浚偉從旁安撫及鼓勵，笑言若心悠跌低，他會墊底：「佢進步好大，之前行一呎就踎低，今日行到咁多步，已經好叻。」

心悠喊咁口表示踩Roller感覺恐怖，好像會隨時失重心向前衝落地：「之前拍攝，我好似坐輪椅咁，畀人推住出嚟，到開拍嗰陣就不停尖叫，呢個係真實反應加劇情需要。」馬浚偉即笑說：「劇情係冇需要尖叫得咁犀利，因為咁，我哋改咗劇情。」