質疑非天然美女 Kim登水着號封面 網民嬲爆嗌罷買

忍口多時的Kim終於「大解放」，在社交網上載封面及內頁照，以不同性感造型大晒魔鬼身材，她留言：「OMG（我的天），我係《體育畫報》封面女郎！！！我哋喺1月影呢輯相，實在好難保持呢個封面嘅秘密！能夠登上《體育畫報》水着號封面係我嘅榮幸同夢想，『遺願清單』達成！！！」並透露照片是在她其中一個最喜愛的地方多明尼加共和國拍攝。

不過，消息公布後惹來外界爭議，大批網民狠批雜誌的決定，認為Kim根本冇資格上封面！有網民指她與天然美女相反：「Kim鼓吹飲食失衡同P圖，因為佢好憎自己。」有網民則說：「有好多與體壇有關嘅人都可以上封面，並靠呢個機會增加曝光率，點解係佢！」有人更直指今次封面「超級令人失望」，揚言杯葛：「我今年唔會買喇！多謝Kim幫我慳番10蚊（美元）。」

除了Kim外，創科富豪馬斯克（Elon Musk）的74歲前模特兒母親Maye Musk、美國女歌手Ciara，以及日本、丹麥混血模特兒Yumi Nu，亦是今年的封面人物之一，當中Yumi是首位上封面的加大碼模特兒，打破過往只有火辣索模女星的慣例。