沈殷怡睇中Jeremy 姊妹獻計教抽水

節目中玩遊戲時，她被問到「圈中最為吸引你的異性朋友」，她突然怕醜地笑說：「我好想講一個，MIRROR嘅Jeremy，我覺得好正！」她透露2人在同一個地方學唱歌，雖然會點頭打招呼，但不算是朋友，笑問：「如果有follow IG算唔算朋友？」語畢搞笑地用紙巾遮住自己的怕醜樣。米媽教路，叫她摸Jeremy手臂讚他好大隻，她即衝口而出大叫：「Jeremy唔係行呢個路線，但我仲係好愛佢！」並自爆一直有留意對方，得知他識做家務即笑說：「我覺得係好Charm嘅一個男仔，佢又有養貓，好有愛心，好欣賞佢！」

蝦頭叫Shirley幻想與Jeremy合作主持節目，她即笑說：「如果遇到一個本身就好正嘅人，佢同我講嘢，我會好緊張，唔係好敢出聲，我真係會好淆底！」她被取笑提起Jeremy就「心心眼」，整個人變得醒神，她忍不住爆笑：「真係、真係、真係嘅！」連詩雅提醒她下次見到Jeremy時要扮鎮定，她不禁笑說：「我一定會，我可能會跑走！」