傳做王浩信「小三」江嘉敏拒與圈中人拍拖

近年劇接劇的無綫藝人江嘉敏接受電台訪問，稱已「睇化」負面新聞及接受Hater批評，但重提拍攝劇集《兄弟》時被傳是介入王浩信婚姻的「小三」，她說：「嗰時仲拍緊劇，我衝去搵監製話唔拍！可唔可以換角？壓力太大！冇想過一張劇照就有咁多古仔，我冇做過，嗰時唔識處理情緒，想離開呢行。」

她又稱和圈外人拍過3次拖，重申絕不會選擇圈中人交往：「細個情迷古天樂、彭于晏、謝霆鋒，但入行發覺幕前人背後總有小習慣，會破壞你心目中嘅形象，拍劇或做朋友就OK。」對於被指是「拜金女」，她激動到飲泣說：「對我誤會太深，以為我喺劇集演過嘅角色就係本人，做演員好唔公平，咁努力做好作品，外間就因為一啲假新聞而斷定我係拜金或愛搞是非。」