高海寧內地搵食 嫌豆腐花嚡口

藝人高海寧（高Ling）現於內地，暫未有工作的她，與友人不時吃喝玩樂，食盡美味串燒、特色麻婆豆腐拉麵，大快朵頤。日前她與友人遠足後去吃豆腐花，怎料與她平時吃的分別很大，她更拍片放於社交網的限時動態，並分享照片表示：「我以為的豆腐花…實際的豆腐花！」然後她試吃了一啖後，即笑到見牙唔見眼，並說：「唔係喎！幾香喎！嚡咗少少囉！但係……幾香喎！唔係講笑！但唔係豆腐花囉，係豆腐加白沙糖！」見她吃了兩口，但表情就有多個層次，那碗所謂的「豆腐花」有幾好味，不言而喻！