善用理財 以「薪」作則 姚焯菲施嗲功 電暈劉佩玥

姚焯菲（Chantel）、劉佩玥（Moon）和張馳豪（Aska）早前為中國銀行（香港）擔任「理財TrendyToo」形象大使，他們均認同理財愈早開始愈好，鼓勵年輕人踏出輕理財第一步。

Moon表示讀大學時不停做兼職，首次出糧時很有衝動花光薪金，但最終交給媽媽管理：「收入部分作家用、部分作儲蓄，要平均分配處理。我屬於穩陣型，當然亦會購物獎勵自己，但亦有節制，計劃將來同時亦要平衡眼前，若將來遇到小意外要用錢就有保障。」她覺得財務自主很重要，輕理財很適合自己：「之前我喺網上分享過一啲簡單理財心得，我傾向投資，有投資買股票，每月出糧都會拎部分去投資。」她笑言首次跟Chantel合作，即被對方嗲親：「啱啱Chantel嗲我，我甜到以為生咗個女，已經唔係妹妹。」

至於Chantel表示：「記得首份工作收入，我買咗禮物送畀父母同妹妹，同時我認為理財係一種生活態度，希望可以零負壓感，輕鬆追求！」尚在求學的她會將工作收入作儲蓄外，亦會買衫扮靚，又會利用流動支付應用程式消費，儲分賺取獎賞。是次中銀香港個人金融及財富管理部助理總經理（客層管理）溫晞文（Tania）亦在廣告中亮相，Chantel乘機請教對方：「自從年頭開咗入行第1個銀行戶口儲起自己份糧，因為已經綁定FPS，家人同朋友過數入戶口好方便。Tania教咗我好多支付消費Tips，未來我會好好打理呢個『出糧戶口』！」

Aska提出「錢放儲蓄就等於理財」的繆誤，他說：「年輕人都有自己生活重心，理財更加要輕，唔需要花好多時間，只要踏出第一步，透過一啲簡單數碼工具幫手，錢先會有增長。」正攻讀雙碩士的他坦言要努力增值財富，未來希望演藝及個人事業雙線發展，但笑言不會交託媽媽理財：「小時候交畀佢託管嘅利是錢，已經冇晒蹤影喇，哈哈！」他坦言現時不是賺太多錢，但有時工作累了，會想買東西獎勵自己，而且網上購物太方便，會好好學識控制自己。