陳蕾冇工開口停手唔停

歌手陳蕾昨日於遊戲品牌活動中獻唱，坦言2022年首日「復工」：「因為疫情，好多工作都延期，呢段時間只能喺屋企做啲手作仔同編織。我雙手比較靈活，如果把聲同對手比較，我寧願保留雙手，哈哈！」講到接近半年零收入，她坦言：「好彩舊年嘅工作都唔錯，拉上補下囉，我又冇計過損失幾多喎，而且本身都唔大使。呢半年時間我可以重新整頓自己，發展音樂以外嘅其他興趣，都唔錯。」她又笑說最近才開始恢復創作靈感，正好配合市面復甦。