作歌拍MV甜到漏！ 江嘉敏爆小鮮肉力追 余德丞丁子朗有嫌疑？

現年27歲的江嘉敏，上月在社交網承認與拍拖4年的有米電競高層Anthony分手，近日她接受林柏希主持的網上節目《月傾會》訪問時提到此事，她說：「（分手）幾個月啦！（喊咗幾耐？）梗係有唔開心啦！始終都3、4年，（喊咗）個零兩個月。」

被問有否男藝人或知名人士追求？她猶豫了一會便笑着承認：「佢好Sweet嘅。（後生定老？）後生，真係好Sweet喎！但嗰排我未係適合狀態拍拖，所以唔會同佢一齊囉！佢作咗一首歌畀我，跟住仲拍咗個MV，懂事以嚟未經歷過咁Sweet嘅嘢㗎！佢唔係歌手，但好有心機地用咗我個名去作咗首歌，將佢想講嘅嘢寫晒喺首歌入面囉！（電視台藝員？）哈哈哈！唔講得……係我哋公司嘅。」

她指對方的姓氏不普通，至於其他貼士，她只說：「斯斯文文青靚白淨。（未做到男主角？）努力緊，佢好鬼溫柔㗎！」根據她的線索，與她合作過的藝人，包括余德丞、許家傑、伍允龍、丁子朗都成為嫌疑人物，但她揚言絕不透露對方身份。

工作方面，今年她有不少劇集播出，直言最想攞「飛躍進步女藝員」獎，問到有否藝人一生不想再合作？她說：「女嘅暫時未有，但有個男Artist，我係可免則免！大家合作嗰時，我仲係好新，但要做嘅（角色）太Heavy，我唔知點處理咁Heavy嘅情緒，而佢個角色就活喺自己世界裏面，我同佢講嘢，佢就會（唔理），溝通幾乎係零！」