皮膚敏感 痕到想死 周秀娜起勢? 黃宗澤做「手」護神

黃宗澤（Bosco）、周秀娜（Chrissie）與朱鑑然日前在天水圍一個貨倉拍新劇《叠影狙擊》，不乏開槍及追逐場面，Chrissie施展「鉸剪腳」箍實劇中反派，雖然非常有型，不過觸發其左膝舊患，要在膝蓋以下位置戴保護箍，休息時又要按摩雙腳及換上波鞋減輕痛楚，她表示：「我個角色係特警，所以身手要好敏捷，唔止有好多動作場口，就算冇動作戲都要跑來跑去，每次有動作戲對腳就會痛，我着平底鞋行樓梯都要扶住行。其實劇組安排咗替身，但我會自己試咗先，如果做到都會親身上陣。」

她又自爆皮膚敏感，全身痕癢難耐：「我之前痕到頭暈又抖唔到氣，起咗幾次身都起唔到，所以要停工睇醫生，痕到瞓唔到，企又唔係坐又唔係，好想搵人殺咗我。不過我只係全身敏感生粒粒，塊面冇事，導演話我天生食呢行飯，我話如果連塊面都生埋粒粒就好，可以休息。之前幾日好番好多，但近日又復發。」

Bosco表示與Chrissie同病相憐：「我同佢一樣都係左膝有事，佢皮膚敏感，我呢幾日都皮膚敏感，佢就生喺個身，我就喺塊面，因為之前去咗一個廢置嘅建築物拍攝，嗰度好大灰塵。」他笑言攞正牌捉實Chrissie玉手：「佢不停?痕，我就成日捉住佢對手，唔畀佢?。」提到他於紐約電影電視節奪「最佳男主角」優異獎，他坦言非常開心，會叫朋友請他食飯慶祝。