何廣沛被讚瀟灑勁開心

藝人何廣沛昨日在apm出席活動，透露母親節未知是否要開工，又醒起未買禮物，自認衰仔，收工會即時補買。近日他有2劇在手，包括《破毒強人》和《回歸》，之後再拍《你好，我的大夫》，成為公司力捧小生，現場有Fans大嗌：「真人好瀟灑，TVB咁捧你，加油！」他開心得跟Fans揮手，他說：「公司一直畀好多機會我。（余德丞離巢，變咗捧你？）唔關事，公司好多男同事，《你》劇都有好多後生演員，希望努力畀人睇到。」