拍廣告吸金孝敬阿媽 姚焯菲夢想成真 升呢做老師

有「國民初戀」之稱的姚焯菲（Chantel）近期再為中銀香港BoC Pay拍攝宣傳片，更變身Miss Yiu親身教大家裝APP，以配合BoC Pay成為第二階段「電子消費券計劃」成員的安排。只得15歲的她扮老師，造型花盡心思，戴上黑框眼鏡、將頭髮束成髮髻外，服裝也特意挑選橫條連身裙，增添成熟感。拍完廣告後，她表示會向同學及親友推薦APP，因為除了他們可以獲得68元迎新優惠外，自己亦可以「多勞多得」，賺取20元推薦獎賞。

近期入圍「百大美女」的Chantel今次要戒掉招牌可愛扮老師，覺得相當有挑戰性：「平時大家記得我係After Class成員，係乖乖學生，但係今次我就要變身Miss Yiu，同大家講聲Good Morning Class。今次比我真實年齡大咗10幾年，所以拍攝時心裏面要話畀自己聽，要戒可愛，要釋放出Miss要有嘅專業同說服力！」她為「Miss Yiu」設計了既嚴謹又有親和力、同時兼備權威一面的性格，原來做老師更是她小時候「我的志願」：「細個經常喺屋企同妹妹玩老師、學生角色扮演遊戲，我哋都爭住做老師，覺得老師形象好有權威，亦受人尊敬，今次可以話係夢想成真。」

母親節將至，Chantel決定將今次廣告酬勞的3分1買母親節禮物和準備大餐孝敬媽媽，希望媽媽度過一個難忘的母親節，而其餘的酬勞將會儲起，果然是乖乖女。