羅毓儀拍咀戲 男友冇眼睇

羅毓儀（Yuki）、倪嘉雯於無綫熱播劇《雙生陌生人》中，分飾湯洛雯和陳煒的年輕版，分別與黃庭鋒有不少對手戲，其中Yuki更有咀戲及床上戲，估不到惹來網民不少反應，搞笑留言：「還我羅毓儀螢幕初吻。」對此Yuki表示：「呢個角色原本由另一位演員演，但佢後來辭演，所以我接嘅時候好急，唔係好夠時間做功課，都好擔心出嚟嘅效果。今次係我第一次演愛情戲同埋有吻戲，所以好緊張，庭鋒見到會叫我放鬆啲，佢係一個好好嘅對手。」問到拍咀戲可有向男友備案？她說：「已經備咗，佢話冇眼睇、唔想面對。男友好好嘅，明白係工作需要，不過話睇到會心痛囉！」