冇聽過「宿敵」AGA跳槽 Gin Lee派定心丸 續約表忠

Gin Lee、吳若希、吳浩康及陳慧敏等昨午現身電視城錄影《勁歌金曲》。Gin Lee透露首次演唱新歌《剛好》：「有粉絲同我講想搵我一隻歌做婚禮主題曲，但我以往唱嘅歌都好慘情，佢完全揀唔到，加上呢兩年大家抗疫，我想帶隻甜蜜情歌畀大家。」

談到同公司的「宿敵」江海迦（AGA）傳約滿過檔華納，Gin Lee說：「唔知。（同佢好少聯絡？）呢排同個個都少，不過嚟緊我會見到佢，到時大家傾吓。（成日傳你哋不和，少咗個勁敵？）邊有咁嘅事？佢無論作出乜決定，都衷心祝福佢。」Gin Lee又不諱言與環球合作8年，早前已續約：「點都會繼續同呢間公司合作。」

另外，吳若希於節目獻唱新歌《慢鏡》，她表示留家抗疫及照顧小朋友，已有2個多月未有返電視城，對於公司已由「星夢娛樂」改名為「TVB MUSIC GROUP」，她說：「變動好大，所有人都唔同晒，不過我暫時都適應到。舊年轉老闆，呢次轉同事囉！」她表示會約見新高層張仲恆（前英皇高層），並說：「今年除咗有單曲、劇集主題曲，我都幾期待自己有份演嘅新劇《旁觀者》今年播，因為係《金宵大廈2》監製負責，希望觀眾都鍾意《旁》劇！」