瞞住糟糠翻撻靚湯 馬德鐘雙生奇緣 搞亂4角戀

馬德鐘、靚湯及陳煒等主演的無綫新劇《雙生陌生人》，將於今晚9時30分在翡翠台首播。前者分身周旋於兩位靚女拍檔之間，但齊人之福絕對不易享，據監製林志華表示，今次故事靈感來自一個幫人尋找「另一個自己」的網站，原來不少人到了中年，突然驚覺有所遺憾，希望努力找到「Doppelganger 」（分身）幫自己圓夢，然而又有傳說指「見到另一個自己，就會引來不幸」。

《雙》劇便是由此衍生而來，馬德鐘飾演已婚知名律師高收成，於十餘年間不時與自己長得一模一樣卻無血緣關係、身處社會低下層的巫祺男「交集」，結果不自覺地影響人生軌迹。由於重遇舊情人「俞風」靚湯，於是出錢要求與巫祺男交換身份，好讓他去圓夢，可是結果卻不似預期，最後驚覺一切問題只源自個人的欲望與貪念。

靚湯於劇中苦苦等候馬德鐘18年，更忍不住於網上招募別人扮演他，以求共處兩周，重溫舊夢！談到現實生活中會否那麼長情？靚湯說：「我都算係嘅，性格本身都唔多想變，但如果你畀我知道你對我衰，我會即刻忘記你，唔會回頭！」原來監製最初向靚湯講解時，講明只需她以女神形象現身，然而正式拍攝時卻完全相反：「原來我個角色係需要落田耕種，加上拍攝嘅時候係盛夏，開工真係熱到日日汗流浹背！」

至於陳煒與馬德鐘今次首次合作，卻一拍即合，相信最令觀眾引頸以待的，是二人的「另類床戲」。林志華大讚馬德鐘：「佢今次出咗200分力，一個人要拎兩份劇本返屋企準備同處理，即係要做兩倍工夫，佢嘅表現好有驚喜。」陳煒則表示：「開工要對住兩個一模一樣嘅馬德鐘，好多場戲我都要拍足兩次，因為佢演完高收成，又要演巫祺男嘛！」談到難忘事，她說：「就係落水嗰場戲，大家都驚我凍親，點知就因為着住件潛水衣，最終搞到中暑。」