2月洩蜜 原來未追到 游學修拖手斷正 認戀網紅女神

31歲游學修出道以來感情生活多姿多采，先後跟「宅男女神」蘇麗珊及曾樂彤拍拖。今年2月，他跟旗下網上頻道藝人、有「女神世一」之稱的陳苡臻（Jessica）拍片時，被發現交換飯盒食兼一杯檸茶兩份飲，惹來網民熱議，因女方跟港隊劍擊運動員任俊霖拍拖6年，懷疑她一腳踏兩船！當時游學修火速否認拍拖，但指Jessica與男友去年已分手。

不過昨日有讀者爆料，指游學修與Jessica於科學園拍拖，更拍下他們拖手照，有圖有真相！男方昨日受訪時終認愛，但堅稱剛開始拍拖一星期，故之前沒有講大話。他坦言拍拖經過相當「驚險」：「上星期我哋同一班同事遇到車禍，對方不顧而去，呢件事觸發我哋拍拖嘅，其實我一直都想低調處理感情事，真係唔想講咁多。」

雖然他不欲多談感情事，但受訪後卻極速在社交網自爆戀情：「之前凍檸茶事件，本來唔想回應（未追到點公開講未追到呢），有啲嘢不可能攤開肚皮，觀眾又會按自己知道嘅時序去設想，只想說當時冇講大話，依家都冇。好唔想好唔想上新聞，每次娛樂報道都會換來惡毒留言……祝福留喺呢度可以了，多謝大家！」男女拍拖本屬平常事，但看其留言有所顧慮，難怪他受訪時笑言：「好定唔好真係見仁見智。」