拍親熱戲備案？ Ron：睇多啲就慣

藝人吳卓羲（Ron）及譚耀文首度在電影《逃獄兄弟2》中合作，2人日前受訪大談拍戲感受，飾演反派的Ron動作連場打到飛起，他說：「最難忘係士多打鬥戲，我將張繼聰掟上天花板，仲同張建聲由朝打到晚，最後畀佢用個大煲打落個頭，好欣賞個道具煲，打落個頭好過癮，幾舒服。」至於阿譚在片中既要化老妝又要應付動作場面，拍攝一場反車戲時更不慎傷肋骨，但也死頂完成拍攝，非常專業。