梁敏巧雙管齊下瘦得快

無綫《東張西望》主持梁敏巧趁疫情緩和，勤做運動及控制飲食消脂，實行了短時間已有效果，她受訪時說：「疫情關係已經好耐都冇得做Gym，近期真係肥咗，所以都要去減肥。」她嘗試以低碳飲食減肥，對她來說效果明顯：「每餐會進行低碳飲食，首先減少一半澱粉質，油鹽都盡量減少食，要減磅就連糖都戒埋，依家會多食蛋白質，好似雞蛋、牛肉、豆腐、魚肉，反而食啲蛋白質會冇咁餓，同埋明顯係瘦得好快，肌肉仲結實咗！」