胡美貽甩拖 傷上加傷 方力申贖罪孭起醫藥費

擁有34E導彈上圍、憑《3日2夜》升呢「無綫咪神」的胡美貽（Nicole），早前拍攝無綫綜藝節目發生意外，被拿住「鬼口水」的方力申（小方）貪玩「襲擊」，結果Nicole閃避不及撞穿頭，未幾不支暈倒，並送院縫16針。雖然事發片段後來絕密曝光，但Nicole仍處處保護小方，否認事件與對方有關。

雖然小方至今未為玩出火一事回應，但原來私下相當內疚，據知他為表誠意，豪氣承擔Nicole於今次事件所有醫療費用，涉及5位數字金額，不但如此，為免伊人傷口處理不當會留疤，除了不時跟進康復進度，還肩負管理其飲食餐單，鼓勵暫時改食全素，兼且沒有任何調味料，以減低傷口發炎機會，幸經過兩星期停工休養後，Nicole額頭的縫針位已消腫，令其放下心頭大石。

而自Nicole出事後，身邊未見其3億闊少男友Reeve相伴，僅見她網晒媽咪越洋送來鮮花慰問的照片，原來兩人早於半年前和平分手，分手原因乃雙方對將來未有共識所致，及後男方亦已飛外地公幹。

不過，分手後的Nicole也沒有自暴自棄，收拾心情後便瘋狂瘦身及操馬甲線，加上控制飲食，很快便減去25磅贅肉，幸她得天獨厚，瘦身不瘦胸，力保「咪神」之名。已操出無敵Body的她更「重新上架」，準備迎接新戀情。

本報昨日就小方包起5位數字醫藥費聯絡Nicole，不過她不欲多談，只謂：「小方好好人，真係好多謝佢！（傷口康復後使唔使磨皮？）應該唔使，因為醫生縫針手勢好好，同埋我戒口戒得好清。（你真係分咗手？）都分咗一段時間，不過佢知我受傷都有問候我，大家關係好似家人咁樣。（依家有冇人追？）想專注工作先，嚟緊都要拍綜藝同劇集，好開心喺呢個範疇有唔同嘗試。」