合照突消失 惹婚變揣測 王敏奕嘆聚少離多：我哋冇乜嗌交

去年憑電影《少年的你》角逐奧斯卡最佳國際影片獎項的香港導演曾國祥，其事業版圖擴展到海外，到英國執導Netflix劇集《三體》（The Three-Body Problem》首集，因此要與太太王敏奕兩地分隔，連去年9月結婚兩周年都未能一起慶祝，當時王敏奕表示自己有工作，不能去外地會夫，更說已預計雙方會分開7至9個月：「要靠視像維繫，變咗網友！」惟昨日因有網友發現王敏奕突然在社交網刪走與曾國祥的合照，揣測因聚少離多導致離婚，各行各路！翻看其社交網，的確所有合照「冇得留低」，連婚照一樣被消失，但曾國祥的社交網則原封不動。

曾國祥與王敏奕於2019年在日本北海道舉行婚禮，雙方各在手指紋上戒指圖案以紀念婚期9月6日，網友發現除了「刪相」外，又聲稱見王敏奕連愛的紋身也洗走。

昨日瘋傳婚變後，王敏奕立刻自拍短片晒紋身以證情不變，而與丈夫的合照又隨即「翻生」。她昨日接受本報訪問時否認婚變：「我哋冇問題。（點解刪婚照？）之前因為工作有整理過社交網嘅相，但冇刪合照。（有冇洗到婚戒紋身？）有時因為拍劇會遮住，但冇洗到。」

現時拍攝無綫新劇《婚後事》的她，指曾國祥正於英國開工，對於網友擔心他們經常分隔異地會影響感情，她說：「呢個都係全世界要面對嘅問題，之前疫情問題，每出埠一次都要花差唔多成個月去隔離，根本係一件好難嘅事，我哋都經常係咁（分隔異地）。我哋冇乜嗌交嘅，最緊要有溝通。」