陶大宇罩住唱 倒轉商場找數

談及首度在香港公開場合演繹《倒》，他感覺有別於之前在電視台演出：「原來戴住口罩唱歌好辛苦，抖唔到氣，所以要用力同大聲，但平時做運動戴口罩又冇事喎！」活動原定1月舉行，但因疫情而押後足足3個月才「找數」，問到抗疫日常，他說：「做運動同下廚。（工作有冇打亂？）都有，依家逐步嚟，工作都係網上為主，之前同一隊組合合作，喺MV仲會跳舞。（有冇其他活動要『找數』？）內地有5場表演等緊，但最快要年中或者打後先去到，香港呢邊網劇《女法醫JD》就嚟播，會協助宣傳。」

防疫措施首階段放寬，他有意約朋友食飯，也想帶媽咪出街抖抖氣：「佢好耐冇出街，都想出去捧吓場，幫襯吓食肆，最緊要疫情快啲過去，可以恢復正常生活，咁就開心喇！」