首度作供大反擊 認有藥癮 尊尼共浴撻着 爆安芭劈腿送上門

尊尼前日在庭上作供，否認安芭所指他有嚴重的吸毒問題：「我好抱歉咁講，好多指控都係錯誤。我認為呢啲指控對佢（安芭）嚟講係一個容易命中到我嘅目標。」不過他承認曾有「藥癮」，表示2010年拍攝《加勒比海盜：魔盜狂潮》（Pirates of the Caribbean 4：On Stranger Tides）時發生意外，當時他被蛇咬傷，自此就對止痛藥「羥二氫可待因酮」（roxicodone）上癮，並自爆接近5年都一直依賴服用該種止痛藥，不過後來成功戒除藥癮，沒有再服用過。

除了在庭上承認曾有「藥癮」外，尊尼亦首次憶述與安芭相戀的經過，透露2012年拍攝電影《加勒比醉愛日記》（The Rum Diary）初期雙方未有太多互動，直至拍攝出浴鏡頭後才有Feel，他說：「拍攝時，佢入浴室開花灑之後我哋就接吻，喺嗰刻，我自覺到唔應該有嘅嗰種感覺，因為佢有老婆，而我有Vanessa（女友）同啲細路仔。」續指拍攝「共浴戲」翌日，安芭主動走上他的休息車，期間他們再次熱吻。不過他們之後沒有保持關係，直至兩年後宣傳該片時再重聚才發展戀情，強調當時已與各自的另一半分開。

尊尼指初相識時，安芭對他溫柔體貼：「喺我同赫德女士嘅關係開始時，據我記得，佢好到令人難以置信。佢好有愛心、好聰明亦好善良，而且好有趣及善解人意，我哋有好多共同點。」他指安芭會在他收工後回家時為他斟酒及除鞋：「人生中從未試過有人咁對我。不過一年半後，佢就變咗另一個人。」而他作供時，對於曾在手機短訊稱安芭是「惡毒、邪惡及報復性臭X」而道歉，自言對短訊內容感到羞恥。