捱出頭罷做「窮歌手」譚嘉儀進駐千萬海景新屋

嘉儀曾透露初出道時收入少，冇錢畀家用，要兼職教唱歌以賺取更多生活費，現時入住五星級的家，相信已捱出頭！昨日她受訪時謙稱：「大家太睇得起我啦，其實嗰個單位係租嘅，都係同屋企人住，唔算得上富貴，仲係好需要努力賺錢，希望大家畀多啲工作機會我。」

問到為何選址烏溪沙做安樂窩？她表示全因有情意結：「細個都住呢區，覺得好舒服，所以再搬番嚟。」又指母親最開心，因為附近有街市及港鐵站，方便出入及買餸。對她而言，靚海景有助激發其創作靈感，所以不時會與哥哥創作音樂及Jam歌，希望為歌迷帶來高質作品。