林泳淘為隻雞茹素10年

藝人林泳淘昨日以嘉賓身份錄影香港開電視節目《疫境中的餐桌》，與主持人林希靈及大廚蔣怡，三個女人一個墟，連工作人員也稱是最吵鬧的一次錄影。林泳淘表示與林希靈曾是《東張西望》同事，但鏡頭前從未合作過。問林泳淘可有烹飪天分？她自讚讀幼稚園時已識煎蛋、小學識煲飯，中學時期更識用手搓烏冬麵條 ，不過現時茹素：「都10年冇食肉，覺得殘忍，嗰次喺網上睇片見到隻雞被搞碎，好殘忍，所以唔再食肉。」又指老公也跟她食素。