周秀娜過敏 3度求醫

周秀娜忙為劇集《叠影狙擊》拍攝，日前在偏僻地方出外景，她在社交平台晒出生滿「粒粒」的照片表示：「連續幾日同一個環境開工，皮褸長褲冇停過，加埋着番套由頭笠到落腳趾尾嘅戲服，焗一焗出晒汗，情況又差番。環境污糟，加埋汗腌住敏感，收工即刻睇醫生食抗敏藥同搽止痕藥膏。」她表示因敏感已睇了三次醫生：「天氣轉涼仲有風，夜晚收工就出事，全身痕到瞓唔到，第日起身即刻睇醫生。」由於未見效，她同晚再求醫：「打咗支針再食埋類固醇，不過今日起身依然係咁！」真係慘慘豬！