頹爆拍劇 唔敢掂仔女 羅子溢防疫要緊 分房3個月

問到留鬚後，太太楊茜堯會否拒絕Kiss？他笑言：「唔會，不過開工都唔可以同屋企人太親近。依家我每日做兩次檢測，同埋自己瞓一間房，太太就同仔女瞓。我好掛住仔女，但唔夠膽攬，又冇時間陪佢哋。疫情關係佢哋好少出街，冇得玩，我好有內疚感！好在太太同外母有帶大女去郊外『放風』。（咁太太呢？）我返屋企會攬吓佢，有問佢驚唔驚。（咁咪3個月冇得親熱？）冇啦！」

談到其角色育有兩歲女兒，子溢坦言演出時會想起子女，增加投入感。問到是否「兩個夠晒數」？他說：「老婆話如果知道下一個都係女嘅話，佢可以諗諗，因為佢有家姐，所以想個女有妹妹。（茜堯有排唔使拍劇？）如果《家族榮耀》開續集都會參與，但到時會帶埋小朋友喺身邊，唔想再錯過佢哋成長。」對於與陳自瑤相隔10年再合作，他表示轉眼間大家已為人父母，故拍攝時會分享育兒心得。