陳柏宇忘記歌名 被嘲似金魚

陳柏宇前晚於網上開直播為染疫在家人士打氣，其女兒亦有出場。生痱滋的他唱歌時不小心咬到，並揭囡囡頑皮事：「佢會伸手指入去我個口，仲刮我粒痱滋。」直播長達2小時，他獻唱多首滄海遺珠，當有歌迷點他與洪卓立合唱的《支柱》，他即疑惑說：「我有首歌叫《支柱》？」粉絲笑他似金魚般冇記性，他為自己平反說：「其實係《繭》，首歌喺微電影出現，但製作團隊唔鍾意本身嘅低音，就升咗Key變合唱，再做一次先變咗《支柱》。」